O libro ofrece cinco das máis recoñecidas novelas do mestre incontestábel da aventura adaptadas por un autor que non deixa escapar a súa paixón polas obras e a súa admiración por Verne e por un ilustrador que visualiza as imaxes máis significativas de cada historia. Supón unha iniciación para que o mundo infantil coñeza o asombroso universo dun dos máis grandes escritores franceses do século XIX e, sen dúbida, da literatura universal de todos os tempos. A través das cinco historias que completan esta viaxe literaria e chea de sorpresas, descubriredes o universo incrible do mestre incontestable da aventura: dirixirse en foguete cara á Lúa, descender ao máis profundo da Terra, capitanear dun modo arrebatado o Nautilus ou carreiras a fume de carozo en plena sabana... Jules Verne dá mostra do seu imaxinario grandioso e vangardista ao servizo do lector. Abride este libro e partide de viaxe cos seus heroes! As viaxes fantásticas de Jules Verne que nunca esquecerás son: 5 semanas en globo, A volta ao mundo en 80 días, Viaxe á Lúa, Viaxe ao centro da Terra e 20.000 leguas baixo dos mares.
Diana Cerviño. Alba Novo
