MICROPOEMAS gañadores da IV edición do Concurso de microrrelatos e micropoemas

Micropoemas gañadores:

Categoría B1 (1º e 2º da ESO)

AINHOA PEREIRAS MOSQUERA.

1º ESO C

"Cando te vaias"

O teu sangue beberano os deuses

como o viño que mellor se fai.

A túa luz será o vento

que leve esperanza onde non a hai.

O teu sorriso será unha estrela

que escintile en noite pecha.

Os teus ollos serán os luceiros

que garden mil segredos.

Categoría B2 (3º e 4º da ESO)

UXÍA SALGUEIRO PEREIRAS

4º ESO A

As margaridas florecían ao meu carón,

facéndome cóxegas

nos meus pés espidos.

O vento acariciábame as meixelas,

mentres o meu cabelo

danzaba ao son da natureza.

Categoría C (1º e 2º de bacharelato)

NICOLÁS PUENTE LUNA

1º BACH. C

"Uni- verso íntimo"

Amarte non souben, amor.

                                Re- existirei.

Se non te podo lembrar

esquecerei as miñas verbas

esparexidas polo vento.

Entrementres, mainiño, apracible, mol,

es a música que gardo en min,

agochada no meu uni- verso.